Koreya ya Ruguru yagerageje ikindi gisasu mu gihe kitageze ku cyumweru

Mu gitondo cyo kuri uyu wa Kabiri mu gitondo, Koreya ya Ruguru yarashe ikindi gisasu cyo mu bwoko bwa misile ya ballistique, nk’uko byatangajwe n’u Buyapani na Koreya y’Epfo baivuga ko ari icya kabiri mu gihe kitageze ku cyumweru, Pyongyang igerageje igerageje ikindi cyo mu bwoko bwa hypersonic (gifite umuvuduko ukubye uw’ijwi).

Mu magambo ye Umuyobozi mukuru w’ingabo muri Koreya y’Epfo yagize ati: “Igisirikare cyacu cyabonye misile ikekwa kuba yarasiwe na Koreya ya Ruguru ku butaka yerekeza ku Nyanja y’Iburasirazuba ahagana saa 7.27 za mugitondo”.

Iraswa ry’iki gisasu ryanatangajwe n’Igisirikare gishinzwe kurinda inkombe cy’u Buyapani kivuga ko “Koreya ya Ruguru yarashe igisa nka misile ya ballistic”.

Ibiro Ntaramakuru, Kyodo, byatangaje ko ibisasu bisa nkaho byageze hanze y’icyanya cyihariye cy’inganda cy’u Buyapani (EEZ).

Minisitiri w’intebe w’u Buyapani, Fumio Kishida, yabwiye abanyamakuru ati: “Kuba Koreya ya Ruguru ikomeje kohereza misile birababaje cyane.”

Akanama k’umutekano ka Koreya y’Epfo kakoze inama y’igitaraganya, kagaragaza ko kababajwe n’iryo gerageza Koreya ya Ruguru ikomeje nk’uko Perezidansi (Blue House) yabitangaje.