Abajandarume 13 ba Burkina Faso kuri uyu wa Mbere bishwe, abandi byibuze 8 baburirwa irengero mu gico bategewe ahitwa Taparko, akarere gakungahaye ku mabuye y’agaciro, gakunze kwibasirwa n’abajihadiste.
Iki gico ku bajandarume bari mu irondo cyabaye kandi hashize umwanya abaturage babiri bamaze kwicwa n’igisasu cyaturikanye imodoka y’abagenzi yagikandagiye. Abandi benshi bakomeretse, barimo babiri bakomeretse bikabije.
Nk’uko iyi nkuru dukesha VOA ivuga, amajyaruguru n’uburasirazuba bwa Burkina Faso habaye indiri z’abajihadiste kuva mu 2015 . Imirwano yabo n’ingabo z’igihugu imaze guhitana abantu barenga 2,000 mu gihe miliyoni 2 z’abaturage bavanwe mu byabo.
Muri Mutarama, abasilikare bahiritse ku butegetsi Perezida Christian Kaboré, bamushinja ko yananiwe gutsinda abajihadiste. Uwamukoreye kudeta, Lieutenant-Colonel Paul-Henri Sandaogo Damiba, avuga ko uru rugamba ari rwo yashyize imbere imbere ya byose.
