Umuturage w’Umushinwa, wakoreraga Koperative y’ubucukuzi bw’amabuye y’agaciro mu burasirazuba bwa Congo (COOMEC), kuri iki Cyumweru, itariki 10 Mata 2022 yishwe n’abantu bitwaje intwaro bataramenyekana mu gace ka Moku gaherereye muri Teritwari ya Watsa, mu Ntara, mu Ntara ya Haut- Uélé.
Aya makuru yatangajwe n’itangazamakuru ryo muri iki gihugu avuye kuri Perezida w’Inama y’Ubuyobozi ya COOMEC. Bivugwa ko uyu Mushinwa yafashwe n’isasu akaza gupfa azize ibikomere.
Abandi Bashinwa bari bari aho byabereye ngo bahise bahungira mu bihuru, bajya kwihisha abo bantu bitwaje intwaro nk’uko iyi nkuru dukesha Mediacongo.net ivuga.
Uwitwa Saidi Chichombo, Perezida wa COOMEC, yagize ati “ Twasuwe n’abantu batamenyekanye. Baje bikwije intwaro. Barashe amasasu kugeza ubwo bica Umushinwa. Abandi Bashinwa bari bahungiye mu bihuru bikekwa ko bashimuswe ariko bamaze kugaruka ubu…”
Uyu avuga ko kuri ubu bigoye kumenya abagabye iki gitero, gusa yongeraho ko abayobozi b’ibanze batangiye iperereza kugirango ababikoze bafatwe.
