Ikipe ya CD Trofense ikinamo myugariro Mutsinzi Ange Jimmy w’Ikipe y’Igihugu ‘Amavubi’, ishobora kwisanga mu cyiciro cya gatatu nyuma yo kuzuza umukino wa 10 wikurikiranya idatsinda.
Trofense ubu iri kubarizwa ku mwanya wa 15 wa shampiyona y’icyiciro cya kabiri muri Portugal n’amanota 28 yonyine.
Muri iyi shampiyona y’amakipe 18 irarusha Academic Viseu iri mu murongo utukura inota rimwe.
Ange Mutsinzi na bagenzi be bamaze iminsi bitwara nabi, kuko nko mu mikino 10 baheruka gukina nta n’umwe babashije gutsinda, dore ko babonye amanota ane yonyine ku manota 30.
Mu mukino Trofense iheruka gukina yari yatsindiwe mu rugo na Leixoes ibitego 2-1.
Ni mu gihe kuri uyu wa Gatandatu izasura Academico Viseu na yo irwana no kutamanuka. Mu mu gihe yaba itsinzwe izahita yisanga mu murongo utukura.
