Ikipe ya Rayon Sports kuri uyu wa Kabiri yatsinze Bugesera FC igitego 1-0, mu mukino ubanza wa 1/4 cy’irangiza cy’Igikombe cy’amahoro.
Igitego rukumbi cyo ku munota wa 10 w’umukino cyatsinzwe n’Umugande Musa Esenu ni cyo cyafashije Rayon Sports kwegukana itsinzi y’uyu mukino.
Hari ku mupira wari uhinduwe na Iranzi Jean Claude, Nishimwe Blaise awutanga n’umutwe kwa Esenu na we wahise awutereka mu izamu n’umutwe.
Rayon Sports ni yo yari yakiriye Bugesera FC kuri Stade ya Kigali i Nyamirambo, mbere y’uko amakipe yombi ahurira mu mukino wo kwishyura uzabera i Nyamata.
Mu yindi mikino: AS Kigali yatozwaga umukino wa mbere n’umutoza Cassa Mbungo Andre yatsinze Gasogi United igitego 1-0, na ho Police FC itsinda Etoile de l’Est ibitego 2-1.
