Abasirikare barindwi hamwe n’abafasha bane b’ingabo za Burkina Faso kuri uyu wa Kane biciwe mu bico bibiri byatezwe n’abaterabwoba mu turere two mu majyaruguru, nk’uko byatangajwe n’ingabo.
Igitero cya mbere cyabereye hafi y’umujyi wa Sollé, gihitana “abasirikari babiri n’abakorerabushake mu kurinda igihugu (Volontaires pour la défense de la patrie) bane”, nk’uko byatangajwe n’ubuyobozi bw’ingabo.
Igitero cya kabiri cyibasiye “ibice bigize ishami ryihariye rishinzwe ibikorwa bya Gendarmerie (USIGN) muri Ouanobé”, cyica abajandarume batanu nk’uko iyi nkuru dukesha Euronews ikomeza ivuga.
Ubuyobozi bw’ingabo bwongeyeho ko ibi bitero byashyizwe mu bikorwa n’abakora iterabwoba byanakomerekeje abantu icyenda, “barimo kwitawaho”.
Igisirikare cyemeza ko “ku ruhande rw’umwanzi, harabaruwe imirambo igera kuri makumyabiri cyongeraho ko “intwaro, amasasu, ibikoresho by’itumanaho n’ibindi byangiritse cyangwa bigafatwa”.
