Umwami Philippe w’u Bubiligi hamwe n’Umwamikazi we Mathilde, kuri uyu wa 7 Kamena 2022 batangiye uruzinduko rw’iminsi 6 muri Repubulika ya Demukarasi ya Congo (RDC).
Uyu mwami n’umwamikazi bageze ku kibuga cy’indege mpuzamahanga cya N’Djili i Kinshasa mu masaha y’ikigoroba, bakirwa na Perezida wa RDC, Félix Tshisekedi Tshilombo n’umufasha we Denise Nyakeru.
Bahise berekeza mu biro by’Umukuru w’Igihugu, Palais de Nation, aho bakiriwe baranaganira.
Muri uru ruzinduko, umwami Philippe na Mathilde bateganya kuzasura ibice bitandukanye bya RDC birimo umujyi wa Bukavu na Lubumbashi.
