Umukinnyi ukomoka muri Esipanye wakiniye amakipe nka Arsenal na Chelsea zo mu Bwongereza ashobora guhagarika gukina umupira w’amaguru, nyuma yo gusezererwa n’ikipe ya AS Monaco yakiniraga.
Fabregas w’imyaka 35, yageze muri AS Monaco yo mu Bufaransa mu 2019. Yasezeweho n’iyi kipe nyuma y’imvune yagize umwaka utaha.
Ikinyamakuru The Sun kivuga ko gusezererwa muri Monaco bishobora gutuma Fabregas w’imyaka 35 y’amavuko ahagarika gukina umupira w’amaguru nk’uwabigize umwuga.
Nibura uyu mukinnyi ukina hagati kuva yagera muri iyi kipe, yabashije kuyikinira imikino 67, harimo 5 yakinnye umwaka w’imikino ushize.
Yabashije kandi gutsindira ikipe ya Arsenal ibitego 57 mu mikino 303 yayikiniye, ndetse abasha no gutwarana na yo igikombe cya FA Cup mu 2005.
Yakiniye FC Barcelona kuva mu 2011 kugeza mu 2014, akomereza muri Chelsea mu mwaka wa 2014, ayifasha gutwara ibikombe 2 bya shampiyona, Europa League ndetse na FA Cup.
Fabregas yanafashje ikipe y’igiihgu cye cya Spain gutwara igikombe cy’Isi mu 2010, ndetse anagifasha gutwara igikombe cya Euro mu 2008 n’2012.
