Umukinnyi mpuzamahanga w’ikipe ya Leeds United ukomoka muri Brazil, Raphael Dias Belloli uzwi nka Raphinha, ari mu muryango winjira muri Arsenal nyuma y’aho iyi kipe yiteguye kumutangaho akayabo ka miliyoni 50 z’Amayero.
Raphinha usanzwe akina asatira ariko aca ku ruhande, ni umwe mu bakinnyi umutoza Mikel Arteta usanzwe atoza iyi kipe ya Arsena; abona azamufasha mu mwaka utaha w’imikino.
Gusa n’ubwo iyi kipe ari yo ihabwa amahirwe menshi yo kwegukana uyu mukinnyi, Tottenham Hotspur ndetse na FC Barcelona nazo ziramushaka.
Mu gihe uyu mu kinnyi yaba agiye muri Arsenal, birashoboka ko abakinnyi nka Bukayo Saka ndetse na Nicolas Pepe basanzwe bakina umwanya umwe bashobora kubisikana, bajya ahandi, nk’uko inkuru y’ikinyamakru The Times kibivuga.
Nibura Raphinha yabashije gutsindira Leeds United ibitego 17 ndetse abasha gutanga imipira 3 yavuyemo ibitego mu mikino 65 yakinnye kuva yakwinjira muri iyi kipe mu 2022.
Uyu mukinnyi w’imyaka 25 y’amavuko yakiniye andi makipe arimo Sporting CP yo muri Portugal na Rennes yo mu Bufaransa.
