Kuri uyu wa mbere tariki ya 27 Gushyantare 2017, nibwo hateganyijwe ipiganwa rya nyuma ku bakandida 3 bahatanira gutoza ikipe y’igihugu Amavubi nyuma y’ibizamini by’ijonjora ryakozwe mu minsi yashize ryari ryitabiriwe n’abanyamahanga basaga 50.
[xyz-ihs snippet=”google-pub”]
Nk’uko byatangajwe ku rubuga rwa Federasiyo y’igihugu y’umupira w’amaguru FERWAFA, aba banyamahanga 3 barimo Antoine Hey wo mu gihugu cy’u Budage, Jose Rui Lopes Aguas wo mu gihugu cya Portugal ndetse na Raoul Savoy wo muri Switzerland ari na we usigaye mu bakomoka ku mugabane w’Afurika bari banditse basaba gupiganira aka kazi.
Mu kwezi gushize kwa Mutarama, nibwo abanyamahanga bagera kuri 52 bari banditse basaba gutoza iyi kipe nyuma y’uko iyi federasiyo itanze itangazo kuri interineti ry’akazi kuri uyu mwanya, ijonjora ryagiye rikorwa mu bihe bitandukanye rikaba ryarasizemo aba bagabo 3 bagomba gutorwamo umwe uba umutoza mukuru w’ikipe Amavubi.
[xyz-ihs snippet=”google-pub”]
Aba batoza bose uko ari 3 basigaye mu rubuga bagiye buri wese afite umwihariko we w’ibikorwa byamuranze guhera mu myaka yashize ahanini mu bijyanye n’aka kazi k’ubutoza, kuri uyu munsi bakaba ari bwo bari buhurire mu kizamini cya nyuma (Interview) nk’uko byatangajwe mu itangazo riherutse gusinywaho n’umuyobozi wa FERWAFA Nzamwita Vincent de Gaulles
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com
