Perezida wa Repubulika y’u Burundi, Evariste Ndayishimiye yakomeje kugirira icyizere Major General Nduwumunsi Audace na Colonel Nzigamasabo Corneille basanzwe ari abayobozi muri Minisiteri y’ingabo n’abahoze mu ngabo.
Nk’uko bigaragara muri kopi y’icyemezo Perezida Ndayishimiye yashyizeho umukono tariki ya 16 Nzeri 2022, Maj. Gen. Nduwumunsi yagumye ku mwanya w’umunyamabanga uhoraho muri iyi Minisiteri.
Col. Nzigamasabo na we yagumye ku mwanya w’umwungiriza wa Minisitiri w’ingabo n’abahoze ari abasirikare, Ir Alain Tribert Mutabazi.
Ishyirwa bundi bushya ry’aba basirikare kuri iyi myanya rikurikiye impinduka ziherutse gukorwa muri guverinoma y’u Burundi, zahereye ku gusimbuzwa kwa Minisitiri w’Intebe.
