Mu irushanwa ry’amakipe yabaye aya mbere iwayo ku mugabane w’Uburayi (Ligue des champions), ikipe ya Arsenal yo mu Bwongereza yatsinzwe n’ikipe ya Bayern Munich yo mu Budage, ibitego 5-1, biza bisanga ibindi 5 yayitsinze ku mukino ubanza.
Uyu mukino wabaye kuri uyu wa Kabiri Tariki ya 7 Werurwe 2017, umukino ukaba wabereye mu rugo kwa Arsenal (Emirates Stadium). Warangiye iyi kipe Arsenal iteye intimba abafana bayo, bakomeza gushimangira ko umutoza Arsene Wenger aho ageze ari ukubarisha imitima gusa.
[xyz-ihs snippet=”google-pub”]
Ikipe ya Arsenal niyo yafunguye amazamu, ku munota wa 20 nibwo Theo Walcott yatsinze icya mbere, nyuma y’icyo gitego cya Arsenal, abakinnyi ba Bayern bayinyagiye imvura y’ibitego: Lewandowski (55e), Robben (68e), Costa (78e), Vidal (80e, 85e).
Uyu mukino wa kimwe cy’umunani wakinwe, ikipe ya Arsenal yakinaga yishyura. Amahirwe yayo yahise arangirira aho, ubushize ku kibuga cya Bayern Munich ikipe ya Arsenal yari yapfunyikiwe umutwaro w’ibitego 5-1; byose bikaba bibaye 10 bya Bayern na 2 bya Arsenal.
Indi mikino yabaye kuri uyu mugoroba, ikipe ya SSC Napoli yatsinzwe 3 na Real Madrid kuri kimwe. (SSC Napoli 1-3 Real Madrid).
Kanda hano ujye ubona amakuru yihuse kandi kugihe kuri Facebook no kuri twitter
Theoneste@Bwiza.com
