Royal Air Maroc igiye gukora ingendo 30 ijyana abafana gushyigikira ikipe yabo muri Qatar

Sosiyete y’indege ya Royal Air Maroc irakora ingendo 30 zidasanzwe zo gutwara abakunzi b’umupira w’amaguru bava I Casablanca berekeza Doha gushyigikira ikipe y’igihugu cyabo mu mukino wa kimwe cya kabiri cy’Igikombe cy’Isi uzabahuza n’u Bufaransa nk’uko iyi sosiyete yabitangaje kuri uyu wa Mbere .

Ivuga ko indege zizahaguruka ku wa Kabiri no ku wa Gatatu nk’uko iyi nkuru dukesha Reuters ivuga.

Mu byishimo bya Maroc, atari ku bakunzi b’umupira w’amaguru gusa, iki gihugu kibaye icya mbere muri Afurika kibashije kugeramuri kimwe cya kabiri cy’Igikombe cy’Isi.

Abagenzi bari bukore ingendo ku giciro cya promotion bariyongera ku bihumbi n’ibihumbi by’Abanya-Maroc basanzwe baritabiriye imikino y’Igikombe cy’Isi i Doha.

Biteganyijwe ko ikipe y’igihugu ya Maroc izhura n’ikipe y’igihugu cy’u Bufaransa kuwa Gatatu, itariki 14 Ukuboza ku isaha ya saa tatu z’ijoro.