Ku mugoroba wo kuri uyu wa Gatandatu tariki ya 18 Werurwe 2017, nibwo ikipe ya Arsenal yatsinzwe ibitego 3 na West-Bromwich.
Uyu mukino utaje guhira ikipe ya Arsenal yatsinzwe 3 ifite kimwe, rutahizamu wayo Alex Sanchez, ntabwo yabashije kurangiza umukino dore ko ku munota wa 12 w’umukino yavunitse bikamuviramo kuva mu kibuga.
Mu kiganiro Wenger yagiranye n’abanyamakuru nyuma y’umukino, yagize ati: “niba umutsi w’imbere muri sheviye ( cheville ) wagize ikibazo ntabwo azakina, ariko niba wikanze gusa bizaba byiza vuba”.
[xyz-ihs snippet=”google-pub”]
Wenger akomeza avuga ko Sanchez ubu arimo kuvurwa iyo mvune yagize ku kaguru kw’iburyo, gusa nawe ubwe akaba atarahamya igihe gishoboka uyu musore we yizera azakirira ngo abashe gusubira mu kibuga.
Umukino waje kurangira ari ibitego, Arsenal 1-3 West-Bromwich. Uku gutsindwa kwa hato na hato kwa Arsenal iherutse gutsindwa 10 na Bayern Munich yo mu Budage, bikaba bikomeje gushengura abafana b’iyi kipe, rimwe na rimwe basaba ko yakwirukanwa.
Ku rutonde rwa shampiyona mu Bwongereza, ubu ikipe ya Arsenal yarasigaye, iri ku mwanya wa 5 n’amanota 50, mu gihe Chelsea iyoboye urutonde ifite amanota 69.
Kanda hano ujye ubona amakuru yihuse kandi kugihe kuri Facebook no kuri twitter
Gentille Kamikazi/Bwiza.com
