Umunya-Espagne Carlos Alos Ferrer uheruka gutandukana n’Ikipe y’igihugu ‘Amavubi’, yamaze kugirwa umutoza w’ikipe y’igihugu ya Belarus.
Mu mwanya washize ni bwo Carlos yemejwe nk’umutoza w’Ikipe y’Igihugu ya Belarus.
Byari nyuma y’amasaha make uyu mutoza w’imyaka 47 y’amavuko asezeye ikipe y’Igihugu ‘Amavubi’ yari amaze amezi 16 abereye umutoza mukuru.
Carlos Ferrer yasezeye nyuma yo gusaba ishyirahamwe ry’Umupira w’Amaguru mu Rwanda ko basesa amasezerano.
Ni nyuma nanone yo kunanirwa gufasha u Rwanda kubona itike y’Igikombe cya Afurika kizabera muri CĂ´te d’Ivoire.
Carlos Alos Ferrer utarigeze atsinda umukino n’umwe nk’umutoza w’Amavubi y’u Rwanda, yatandukanye na yo amaze guhabwa abarirwa muri Frw miliyoni 210 z’umushahara.
