Impaka ziravuza ubuhuha hagati ya Jacky Ndala, Umuhuzabikorwa w’urubyiruko rw’ishyaka Ensemble pour la République, rya Moise Katumbi, n’umunyamabanga mukuru waryo, Dieudonné Bolengetenge n’uwitwa Christian Mwando. Biravugwa ko Jacky Ndala yategetswe kudakandagiza ibirenge ku cyicaro cy’ishyaka i Kinshasa.
Yabujijwe nyuma y’iminsi ibiri agaragaye mu itangazamakuru aho yibasiye bikomeye Umunyamabanga Mukuru Bolengetenge na Christian Mwando.
Dieudonné Bolengetenge
“Turamusaba kurekeraho. Ibintu by’imbere ntibigomba gutangazwa mu bitangazamakuru, ”ibi bikaba byavuzwe n’umunyamabanga mukuru wa Ensemble pour la République, ahatira Jacky gusaba imbabazi vuba bishoboka Moà¯se Katumbi n’ubuyobozi bw’ishyaka.
Jacky Ndala
Mu gihe yakomeza kwinangira, aba bakangishije “kumurega kutubaha abayobozi b’ishyaka” nk’uko iyi nkuru dukesha mediacongo.net ivuga.
