Kuri uyu wa Mbere, Umuvugizi wa Guverinoma yabwiye abanyamakuru ko Perezida wa Guinea-Bissau, Umaro Sissoco Embalo, yasheshe inteko ishinga amategeko y’iki gihugu, nyuma y’ibyo Embalo yavuze ko ari ugushaka guhirika ubutegetsi mu gihugu gito cya Afurika y’iburengerazuba mu cyumweru gishize.
Imirwano hagati y’imitwe ibiri y’ingabo yabereye i Bissau mu ijoro ryo ku wa Kane ikomeza ku wa Gatanu nyuma y’uko abasirikare bagize umutwe wa Guarde Nationale barekuje ku ngufu minisitiri wo mu ruhande rutavuga rumwe n’ubutegetsi wari ufunzwe mu rwego rw’iperereza ku cyaha cya ruswa.
Ihirika ry’ubutegetsi n’imvururu byakunze kugaragara muri Guinea-Bissau kuva yabona ubwigenge ibuhawe na Portugal mu 1974 nk’uko iyi nkuru dukesha Reuters yibutsa
Muri Gicurasi 2022, Embalo nabwo yasheshe inteko ishinga amategeko y’igihugu, ashinja abadepite ruswa, n’ibindi bibazo.
