Kuri uyu wa Kabiri, itariki 12 Ukuboza ibitangazamakuru bya leta byatangaje ko umunyamabanga wa leta muri Guverinoma ya Ethiopia wari ushinzwe amahoro yirukanwe kandi atabwa muri yombi ashinjwa kuba yarafatanije n’imitwe yigometse ku butegetsi mu gushaka kubuhirika.
Iki cyemezo cyo guta muri yombi Taye Dendea, umwe mu bayoboke bakuru b’ishyaka rya Minisitiri w’Intebe, Abiy Ahmed, kije gikurikira ubutumwa yagiye atambutsa ku mbuga nkoranyambaga mu cyumweru gishize anenga guverinoma ko yananiwe kubungabunga amahoro mu gihugu nk’uko tubikesha Reuters.
Sintayew Alemayew, umugore wa Taye, yavuze ko umugabo we yatawe muri yombi n’abapolisi benshi bambaye imyenda ya gisivii mu ijoro ryo ku wa Mbere, avuga ko abayobozi bamuhaye iminsi itatu yo kuva nzu ye cyangwa agasohorwa ku ngufu.
