Jurgen Klopp yatangaje ko azava muri Liverpool mu mpera za shampiyona 2023/24.Ni nyuma yo kumara amezi hafi imyaka 10 ari muri iyi kipe kuko yahageze kuva mu 2015 anafasha iyi kipe gutwara ibikombe by’umwihariko ibya Premier League na Champions League.
Mu gitondo cyo kuri uyu wa Gatanu nibwo Klopp w’imyaka 56 yabitangaje mu mashusho yo ku mbuga nkoranyambaga za Liverpool. Mu kiganiro n’itangazamakuru yavuze ko yabwiye iyi kipe ko azayivamo mu Gushyingo.
Ati: “Ntabwo nzayobora ikipe imyaka yose , ibyo ntibishoboka, sinshobora kubikora kandi simbishaka.Mu mpera z’uyu mwaka nzaba ntakibarizwa muri Liverpool rwose abakunzi banjye mwihangane.”
Yakomeje agira ati”Nta kibazo mfite ubu biragaragara, nari maze igihe kinini nzi neza ko ngomba kubitangaza ko nzasezera . Birumvikana sinzasazira muri Liverpool ngo nkomeze kuhakorera mpakaaaaa.!
Uyu mugabo ukomoka mu gihugu cy’Ubudage yinjiye muri Liverpool mu 2015 atwara Shampiyona y’u Bwongereza, Champions League, FA Cup n’ibindi.Mu 2022 nibwo yari aherutse gusinyana yongera amasezerano muri Liverpool kugeza muri Kamena 2026.
Yinjiye muri iyi kipe nyuma kuva mu ikipe ya Borussia Dortmund kuva 2008-2015, aho yegukanye ibikombe bya shampiyona y’u Budage ( Bundesliga), bikurikirana muri shampiyona ya 2010-11 na 2011-12.Yayigejeje kandi ku mukino wa nyuma wa Champions League umwaka ukurikira, aho yatsinzwe na Bayern Munich.
