Kuri uyu wa Kane, Guverineri w’Intara y’Uburengerazuba, Dushimimana Lambert yakiriye ba Ofisiye bakuru biga mu Ishuri Rikuru rya Polisi y’u Rwanda ryo mu Karere ka Musanze, aho bari mu urugendoshuri rugamije gufasha abanyeshuri gusobanukirwa ingamba zafashwe mu rwego rwo gukumira no kugabanya ibyaha.
Uru ruzinduko rutegurwa hagamijwe gufasha abanyeshuri guhuza ubumenyi bigira mu masomo yo mu ishuri n’ibikorerwa mu kazi, rukaba rufite insanganyamatsiko igira iti: “Guteza imbere umuco wo gukumira icyaha binyuze mu bufatanye n’abaturage”.
