Kugira ubushake buke bw’imibonano mpuzabisina birasanzwe ku mugabo, kandi habonetse n’imiti nka Viagara. Iyo bibaye ku mugore ho biba bigoye, cyane ko n’ubundi iyo abishaka bidapfa kugaragara.
[xyz-ihs snippet=”google-pub”]
Ni kenshi umugore atera umugongo umugabo, ni kenshi avuga hindukira bikanga, burya ntaba ari we.Inzobere mu bumyenyi mbonezabitsina, Dr Solano Catherine arabiva imuzingo, naho Bwiza.com ikabisasanura.
Kubura ubushagarira
Kubura ubushagarira ntaho bihuriye no kuzinukwa imibonano mpuzabitsina. Ku mugabo biroroshye ko igitsina kiteguka kandi yabishakaga ; nawe aba yabuze ubushagarira, maze ubwonko n’umutina ntibitegeke umubiri. Ku mugore ho ni akaga, kuko mu gitsina haba humagaye.
Ubusanzwe ubushagarira nibwo butuma amaraso yihuta mu myanya ndangagitsina igafora, aribyo bita gushyukwa ku bagabo. No ku mugore ibice bikikije igitsina birafora, maze mu gitsina hakarega uruziruzi.
Ikibazo rero ku mugore kiba iyo urwo ruziruzi rwabuze hakumagara, kabone n’iyo yaba yabishakaga, yanatanze gahunda. Ibi bikunze kuba mu gihe cy’urucambyaro, ubwo imisemburo iba yagabanutse, maze ubushake bugatambamirwa n’uko umubiri utiyakura.
Uko umugabo yitabaza Viagara n’indi miti, ku mugore biroroshye ko yakwimenyereza gusiga no kunogereza mu gitsina ngo habobere.
Ijambo ribi riyikuramo
Kubura ubushake haba ku mugabo cyangwa ku mugore birashoboka iyo mu mutwe hari ikibazo.
[xyz-ihs snippet=”google-pub”]
Gusa hari no kubura ubushake bivuye mu mutwe, ubishaka cyangwa utabishaka, kubera ibibazo bisanzwe(intonganya, ubukene, amakimbirane, kubura amahirwe, umujinya n’ibindi), bivuye ku wo mubana cyangwa ahandi.
Ariko kandi muri rusange, kubura ububobere mu gitsina bitandukanye no kubura ubushake. Ububobere bubura ku rugingo rumwe, ariko ubushake bubura mu mubiri wose.
Cyakora ku bagabo ubushakashatsi bukomeje gutera imbere bukabona ibisubizo, hakenewe n’abandi bitangira kumenya imiterere y’umugore mu mibonano mpuzabitsina.
Bwiza.com
