Iyi ntero yashimangiwe na Pasiteri wa Potter’ s Hand Ministry, Jimmy Muyango mu gikorwa cyo kumurika album ya mbere y’ itsinda Potter’ s Hand Worship kuri iki cyumweru taliki ya 29 Ukwakira 2017 mu nzu mberabyombi ya New Life Bible Church ku Kicukiro.
[xyz-ihs snippet=”google-pub”]
Iki gitaramo cyari gifite insanganyamatsiko igira iti:” guhura n’icyubahiro gihoraho cy’Imana”, kigeze hagati ndetse n’ abahanzi batumiwe(Luc Buntu, Serge Iyamuremye na Israel Mbonyi) bamaze gususurutsa imbaga y’ abantu bari baturutse mu matorero anyuranye akorera mu mujyi wa Kigali, Pasiteri Muyango yaboneyeho umwanya wo kwibutsa Abakristu ko Imana iba hagati y’ amashimwe y’ abera.
[xyz-ihs snippet=”google-pub”]
Yagize ati:” Nubwo twabura amafaranga, tukabura inyubako zigezweho ndetse tukanabura n’ intebe zo kwicaraho ariko tukagira ukuboko kw’ Imana ntacyo twaba kuko Imana iba iri ku ruhande rwacu”.
Pr Muyango yibanze ku buhanuzi bwa Yesaya
“Nimuhumurize abantu banjye, mubahumurize.” Ni ko Imana yanyu ivuga. “Muvuge ibyururutsa imitima y’ab’i Yerusalemu, mukomere muhabwire ko intambara zaho zishize kandi yuko gukiranirwa kwaho hakubabariwe, n’ibyaha byaho byose ko habihaniwe kabiri n’Uwiteka.” Nimwumve ijwi ry’urangurura ngo “Nimutunganyirize Uwiteka inzira mu butayu, mugororere Imana yacu inzira nyabagendwa mu kidaturwa. Igikombe cyose kizuzuzwa kandi umusozi wose n’agasozi bizaringanizwa, n’ahagoramye hazagororwa n’inzira zidaharuwe zizaharurwa. Maze icyubahiro cy’Uwiteka kizahishurwa kandi abantu bose bazakibonera rimwe, kuko akanwa k’Uwiteka ari ko kabivuze.” Yewe wumvisha i Siyoni inkuru z’ibyiza zamuka umusozi muremure, yewe wumvisha i Yerusalemu inkuru z’ibyiza rangurura ijwi ryawe cyane, rirangurure witinya ubwire imidugudu y’i Buyuda uti “Dore Imana yanyu.” Dore Umwami Imana izaza ari intwari, kandi ukuboko kwayo kuzayitegekera.
Dore izanye ingororano, kandi inyiturano zayo ziyiri imbere. Yesaya 40:1-5, 9-10.
Kanda hano ujye ubona amakuru yihuse kandi kugihe kuri Facebook no kuri twitter
Foto:PH Ministry
Gaston Rwaka/Bwiza.com
