Inzego z’umutekano za Misiri ziratangaza ko igitero cya bombe n’imbunda cyagabwe mu musigiti uherereye muri Sinai kuri uyu wa Gatanu cyahitanye abantu bagera kuri 200 nk’uko imibare imaze kujya ahagaragara ivuga.
Abayobozi bavuga ko intagondwa zibasiye abaturage bashyigikiye inzego z’umutekano ku musigiti wa al-Rawdah uri mu mujyi wa Bir al-Abed wo mu Ntara ya el-Arish.
[xyz-ihs snippet=”google-pub”]
Biravugwa ko abantu bitwaje ibirwanisho bari mu modoka 4, bageze kuri uyu musigiti bagafungura umuriro ku bantu bari bari gusenga mu isengesho ryo kuri uyu wa gatanu riba ryitabiriwe n’abantu benshi.
Ababibonye baravuga ko babonye imbangukiragutabara zitwaye abakomeretse zibajyana ku bitaro biri hafi aho nk’uko bitangazwa na The Guardian.
Biravugwa na none ko abagabye iki gitero bari ngo bari basanzwe bibasira abagize inzego z’umutekano ariko ngo bongereye ibikorwa byabo ku nsengero z’abakirisitu no kubakora imitambagiro.
Inzego z’umutekano za misiri zikaba zisanzwe zihanganye n’intagondwa zo mu mutwe wa Islamic State mu majyaruguru ya Sinai, aho izi ntagondwa zimaze guhitana abapolisi n’abasirikare Magana kuva imirwano aha hantu yakongera ubukana mu myaka 3 ishize.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
