Ku mugoroba wo ku wa Gatanu tariki ya 24 Ugushyingo 2017, mu kagari ka Bugaragara, umurenge wa Rwimiyaga mu karere ka Nyagatare, habereye impanuka, umuntu umwe ahasiga ubuzima abandi barakomer eka.
Amakuru agera kuri Bwiza.com, avuga ko imodoka (V8) yadepashije indi yo mu bwoko bwa Toyota Coaster ya sosiyeti itwara abagenzi ya ‘International’ ihita igongana n’imashini ihinga.
Umwe mu bari aho impanuka yabereye yatangarije Bwiza.com aya makuru agira ati “V8 yadepashije Coaster ihita icakirana n’igitorotoro, yashatse kugikwepa ikigonga ipine, coaster nayo ubwo yashatse kubihunga ihita irenga umuhanda igonga igiti.
[xyz-ihs snippet=”google-pub”]
Akomeza agira ati “abantu bari muri coaster nibo bagize ibibazo ku buryo umwe yahise ahasiga ubuzima, abandi barakomereka, igitorotoro cyatobotse ipine gusa naho V8 yo yarenze umuhanda irangirika gusa”.
Mu gihe tugitegereje icyo polisi y’u Rwanda ibitangazaho, amakuru avuga ko abakomeretse bajyanwe kuvurirwa ku bitaro bikuru bya Nyagatare.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Theoneste/Bwiza.com
