Icyamamare Saida Karoli ukomoka muri Tanzania, byemejwe ko azataramira Abagande i Kampala mu gitaramo cyateguwe n’umuhanzi Hanson Baliruno.
Saida Karoli wamamaye kuva muri za 2000, n’indirimbo ze zirimo iyitwa ‘Maria Salome’ n’umuhanzi Diamond Platnumz yasubiyemo mu 2016, ngo igitaramo azagaragaramo, kizaba muri Kanama uyu mwaka.
Baliruno agira ati “Ndemeza y’uko Saida Karoli azaba ahari mu gitaramo cyanjye kizaba mu kwezi kwa munani, yarishimye”.
Akomeza agira ati “Buri gihe nkunda gukururwa n’impano ye, nejejwe n’uko nabonye amahirwe yo gukorana na we, dufitanye imishinga itatu twakoranye tuzagaragaza akuri uwo munsi”.
Umwaka ushize nibwo Hanson Baliruno yatangiye gukorera umuziki we muri Uganda nyuma y’imyaka 7 aba muri Suede, ahamya ko intego afite atari uguhangana n’abasanzwe bakora umuziki muri Uganda, ahubwo ko ari ugufatanya bakarushaho kuwuteza imbere.
Iki gitaramo kizaba ku wa 10 Kanama 2018 muri Kampala Serena Hotel, abandi bahanzi bateganyijwe kuzakiririmbamo, ni Danjelo Busulwa, Desire Luzinda,…
Saida Karoli ni umugore w’imyaka 41, mu mpera z’umwaka ushize nibwo yataramiye Abagande mu gitaramo yahuriyemo n’Abanyarwandakazi Charly na Nina.
Uyu mugore akunda kuririmba indirimbo za gakondo, yamenyekanye cyane ku ndirimbo nka Maria Salome, Kachumba bunula, Omulilo, Orugambo,…
Kanda kuri SUBSCRIBE ujye ubona ibiganiro n’indirimbo bishya
