Igipolisi cya Canada cyemeje ko abakinnyi 14 bakina umukino wa Hockey, bakinira mu rubura, bapfuye bishwe n’impanuka y’imodoka.
Aba bakinnyi bapfuye ni ab’ikipe ya Humboldt Broncos, bus barimo ikaga yagonganye n’ikamyo mu gace ka Tisdale mu ntara ya Saskatchewan.
Nk’uko BBC ibitangaza, ngo igipolisi cya Canada cyemeje ko abantu 28 bari muri bus, 14 muri bo aribo bahise bapfa barimo n’umushoferi wari utwaye bus.
Abandi 14 barokotse bajyanwe mu bitaro barembye cyane. Ku rukuta rwa tweeter, Minisitiri w’Intebe muri Canada, Justin Trudeau akaba yihanganishije ababyeyi babuze ababo muri iyo mpanuka.
Kanda kuri SUBSCRIBE ujye ubona ibiganiro n’indirimbo bishya
