Ikipe y’igihugu y’umupira w’amaguru “Amavubi’” yasubiye inyuma imyanya 11 ku rutonde ngarukakwezi rwa FIFA.
Mu kwezi gushize kwa Werurwe, Amavubi yari ku mwanya wa 112. Mu rutonde rwasohotse kuri uyu wa kane tariki ya 12 Mata 2018 Amavubi ari ku mwanya wa 123. Ubwo mu kwezi gushize ibindi bihugu byakinaga imikino ya gicuti, Amavubi ntiyigeze akina umukino n’umwe. Kutagaragara ku ruhando mpuzamahanga kw’amavubi nibyo byatumye amanuka imyanya myinshi kuri uru rutonde.
Ishyirahamwe ry’umupira w’amaguru ku isi ( FIFA) rishyira ahagaragara urutonde rw’ibihugu uko bikurikirana ku isi buri kwezi bitewe n’uko byitwaye mu mikino mpuzamahanga.
Dore ibihugu 5 bya mbere ku rwego rw’Isi
1 U Budage
2 Brazil
3 U Bubiligi
4 Portugal
5 Argentine
Ibihugu 5 bya mbere muri Afurika
1 Tunisia(14 ku isi)
2 Senegal (28 ku isi)
3 DR Congo(38 ku isi)
4 Morocco(42 ku isi)
5 Misiri(46 ku isi)
Ibihugu 5 bya mbere muri aka karere ka CECAFA
1 Uganda ( 74 ku isi)
2 Kenya(113 ku isi)
3 Rwanda( 123 ku isi)
4 Sudan(126)
5 Tanzania(137)
Tubibutse ko urundi rutonde rwa FIFA ruzasohoka ku wa 17 Gicurasi 2018.
Kanda kuri SUBSCRIBE ujye ubona ibiganiro n’indirimbo bishya
Nkurunziza Viateur Bwiza.com
