Nyuma yo gusezerera ikipe ya Costa do Sol yo muri Mozambique mu mikino nyafurika ya CAF Confederations Cup igahita igera mu matsinda y’iyi mikino, amakipe izakina nayo yamenyekananye.
Ikipe ya Rayon Sports yasezereye ikipe ya Costa de sol iyitsinze ibitego 3-2, mu mukino ubanza wabereye I Kigali, Rayon Sports yari yatsinze iyi kipe 3-0 naho kwishyura Costa de sol iza gutsinda Rayon Sports 2-0. Rayon Sports yahise yandika amateka igera mu matsinda y’iri rushanwa iba ikipe ya mbere mu Rwanda ibikoze .Kugera muri iki cyiciro byahesheje Rayon Sports ibihumbi 275 by’amadorali ya Amerika [asaga miliyoni 235 Frw].
Aya ni nayo mafaranga ahabwa ikipe isezerewe mu matsinda ari iya gatatu mu gihe ebyiri za mbere zijya muri ¼ . Ikipe zisezerewe muri ¼ zitahana ibihumbi 350 $ [akabakaba miliyoni 299 Frw], izisezerewe muri ½ zihabwa ibihumbi 450 $ [akabakaba miliyoni 385 Frw]. Ikipe itsindiwe ku mukino wa nyuma ihabwa ibihumbi 625 $ akabakaba miliyoni 535 Frw naho itwaye igikombe igahabwa 1,250,000 $ [asaga miliyali imwe na miliyoni 70 Frw].
Muri tombola yabereye mu Misiri mu mujyi wa Cairo kuri uyu wa gatandatu tariki 21 Mata 2018, Rayon Sports yashyizwe mu itsinda rya D; ihuriyemo n’amakipe yiganjemo ayo mu karere ka Afurika y’Uburasirazuba arimo Gor Mahia yo muri Kenya, U.S.G.M Alger yo muri Algeria, na Younger Africans yo muri Tanzania.
Amakipe azahura mu matsinda muri ubu buryo:
Group A
Asec Mimosas( CÈte d’Ivoire)
Raja Club Athletic(Morocco)
As Vita Club(DR Congo)
Aduana Stars Fc(Ghana)
Group B
Renaissance Sportive de Berkane (Morocco)
Al-Masry SC (Egypt)
Unià£o Deportiva do Songo(Mozambique)
El Hilal (Sudan)
Group C
Enyimba Fc(Nigeria)
Williamsville Athletic club(CÈte d’Ivoire)
Club Athletique Rennaissance Aiglons(Congo)
Djoliba AC de Bamako(Mali)
Group D
Rayon Sports (Rwanda)
Gor Mahia (Kenya)
U.S.G.M Alger (Algeria)
Younger Africans (Tanzania)
Umukino wa mbere mu matsinda, Rayon Sports izawukinira I Kigali na Gor Mahia yo muri Kenya.
Kanda Subscribe kuri Bwiza TV ujye ubona videwo zigezweho z’ubuzima,imikino,imyidagaduro…
