Hari amakuru ari kuvugwa ko abambari bari hafi ya Perezida Museveni wa Uganda bashobora kuba barahawe urukingo rwa Coronavirus ruvuye mu ruganda rwitwa Sinopharm mbere y’abandi bantu bizwi ko bari mu kaga ko guhitanwa n’iki cyorezo barimo: abaganga, abakuze, abafite indwara zidakira n’abandi bari mu byiciro by’abo iyi ndwara yogeraho uburimiro. Ikinyamakuru The Wall Streer Journal cyo muri Leta Zunze Ubumwe za Amerika kuwa Kane cyatangaje ko ” Hashize amezi abambari ba hafi ba Museveni bahawe urukino rwa Coronavirus ruvuye muri Sinopharm, uruganda rukora imiti rwo mu Bushinwa.” Iki kinyamakuru kivuga ko uyu rukingo rushobora kuba ruri gutangwa n’Ubushinwa bugamije kumenyekanisha umuti warwo ku Isi nzima. Ngo rwaba rwarageze muri Peru na Phillipines. Ushinzwe itangazamakuru mu biro bya Museveni, Don Wanyama yamaganye aya makuru. Avuga ko aba bari hafi y’ibukuru bagitegereje nk’abandi bose. Yabwiye The Daily Monitor ati ” Ushatse kuvuga iki iyo uvuga ngo abantu ba hafi? Siko biri. Icyo nzi ni uko muri Uganda nta bantu bari bakira urukingo rwa Coronavirus.” ” Perezida yarabivuze neza ko igihe twakwitega kwakira urukingo rwa Coronavirus kandi niruza abazahita bakingirwa mbere barazwi. Ni uguhera ku bari mu bikorwa byo kuyirwanya, abo yibasira b’intege nke n’abasigaye. Nta kiciro cyirwa ab’imbere kwa Museveni gihari.” Amabasade y’Ubushinwa muri Uganda ntacyo iratangaza kuri aya makuru.Inkingo za Coronavirus zazanwe ku butaka bwa Uganda mu Kuboza 2020, zari zigenewe Abashinwa bakorera ahitwa Kapeeka mu Karere ka Nakaseke gusa ubwabo kuko zitari zakagiriwe icyizere. Kurikira ibiganiro n’amavidewo binyura kuri Bwiza TV
