Abakinnyi ba cinema 20 b’abahindekazi bakize kurusha abandi

Sangiza iyi nkuru

Hakunze gusohoka intonde z’abakinnyi ba cinema bakize kurusha abandi babikesha uyu mwuga ariko ugasanga kenshi ziganjeho abagabo, kuri iyi nshuro twabashakiye urutonde noneho rw’abakinnyi ba cinema b’Abahindekazi bakize kurusha abandi dukesha Wonderslist.

Deepika Padukone — Miliyoni zisaga 45 $

Deepik Padukone ni umwe mu bakinnyi ba cinema b’Abahindekazi bahiriwe n’umwuga wabo muri Bollywood kuva yagaragara bwa mbere muri Om Shanti Om yakinanye na Shahrukh Khan mu 2007 kuva icyo gihe akaba atarahagaze. Nyuma yo gukomeza kugaragara muri filimi zagiye zikundwa, Deepika yabaye umukinnyi wa mbere w’umugore wahembwe arenze crores 600 mu mwaka. Ubwo yakoraga agashya noneho akagaragara iruhande rwa Vin Diesel muri filimi yakorewe muri Hollywood ‘XXX’ agaciro ke kahise kiyongera. Umushinga we mu yiheruka wa filimi yiswe Padmaavat watumye arushaho gukundwa muri Bollywood kuri ubu kugirango akine muri filimi imwe akaba aca ama crore agera muri 15 (173,210.10$). Uyu mugore kuri ubu abarirwa umutungo w’amafaranga ugera muri miliyoni 45 $ akaba ari nawe uza ku mwanya wa mbere kuri uru rutonde. 1crore=11547.34$

Priyanka Chopra — Miliyoni zisaga 40 $

Priyanka Chopra, yabaye Nyampinga w’Isi mu 2000 (Miss World 2000), akaba Atari icyamamare muri Bollywood gusa ahubwo yabashije no kwigarurira imitima y’abatari bacye mu bakunzi ba cinema ku Isi yose. Azwi muri filimi y’uruhererekane yakiniye muri Hollywood ikunzwe cyane muri iki gihe ndetse ikomeje gukinwa yitwa Quantico aho aba ari umukinnyi w’imena. Si iyi filimi yo muri Hollywood yakinnye gusa kuko yanakinnye muri Baywacth yatumye agaciro ke kazamuka bidasanzwe. Yanakinnye muri filimi nyinshi zo muri Bollywood kandi zirimo Bajirao Mastani, Barfi, Kaminey, Aitraaz n’izindi. Kugirango yemere gukina muri filimi yawe Priyanka aca ama Crores 12 n’andi 5 y’agahimbazamusyi.

Madhuri Dixit — Miliyoni zisaga 35$

Madhuri Dixit ni umwe mu bakinnyikazi ba filimi kandi bafite uburanga bamamaye ku Isi, hakiyongeraho ko ari umwe mu bagore b’uburanga ku Isi b’ibihe byose. Dixit ni umwe mu bakinnyi ba filimi b’abagore b’abahinde bahembwa agatubutse akaba yibitseho miliyoni zisaga gato 35$. Kugirango agaragare muri filimi imwe aca ama crore hagati y’atatu n’ane. Nubwo afite imyaka irenga 40, Dixit aracyagaragara nk’ukiri muto kandi uburanga bwe ntaho burajya. Aza ku mwanya wa gatatu ku rutonde rw’abakinnyikazi ba cinema mu Buhinde b’abaherwe.

Aishwarya Rai Bachchan — Miliyoni 35$

Aishwarya Rai Bachchan ni umwe mu bagore bifuzwa cyane ku Isi wabaye Miss World mu 1994 akaza kwinjira muri cinema muri filimi ya mbere yiswe Iruvar. Filimi Aur Pyaar Ho Gaya niyo yamwumvishije icyanga cya mbere cy’ibihe byiza muri Bollywood, aho kuva ubwoi yagiye agaragara muri filimi zakorewe muri uru ruganda zakunzwe cyane zirimo Dhoom 2, Devdas, Jodha Akbar, Hum Dil De Chuke Sanam n’izindi. Nyuma yo gufata akaruhuko gato yaje kugaruka mu 2016 muri Ae Dil Hai Mushkil yitwara neza cyane birakundwa. Aishwarya Rai akaba yaraciye ama Crore 10 muri filimi agiye kugaragaramo.

Preity Zinta — Miliyoni 30$

Preity Zinta aza ku mwanya wa gatanu ku rutonde rw’abakinnyi ba cinema b’abagore mu Buhinde bakize kurusha abandi na miliyoni 30$. Nubwo muri iki gihe atari kugaragara muri filimi aracyari umwe mu bafite agatubutse bitewe n’ishoramari ritandukanye afite n’amashimwe bagenda bamuha. Zinta ni n’umwe mu banyamigabane mu makipe ya Cricket; IPL na Kings XI Punjab.

Vidya Balan — Miliyoni 25$

Vidya Balan yinjiye Bollywood muri filimi Parineeta yakunzwe cyane. Nubwo role ye muri Munnabhai yishimiwe cyane, ngo ni amashusho mabi yahinduye ubuzima bwe bwose. Nyuma yagaragaye mu zindi filimi zakunzwe nka Kahaani, Kahaani 2, Te3n, Begum Jaan, n’izindi. Yanahawe igihembo cya Padma Shri kubera imyitwarire ye mu gukina. Uyu kugirango agaragare muri filimi aca ama crore hagati y’6 na 7.

Anushka Sharma — Miliyoni 25$

Anushka Sharma yabanje kuba mu bijyanye no kumurika imideri mbere yo kwinjira muri cinema. Filimi za mbere yagaragayemo ni Yash Raj banner na Rab ne Bana Di Jodi zamugize umustar kuva icyo gihe akomeza gukura yigaragaza. Uyu yanatangije inzu ye itunganya cinema mu 2014 yise Clean Slate Films. Filimi NH 10 niyo yambere yakorewe muri iyi nzu irakundwa cyane. Kugirango agaragare muri filimi yawe, Anushka ugomba kumwishyura byibuze ama crore 7 kugeza ku 9.

Amrita Rao — Miliyoni 20.5$

Amrita Rao yibitseho akayabo ka miliyoni 20.5$ akaba agaragara muri filimi nka Sajjanpur, Vivaah, Victory, Main Hoon Na n’izindi. Ikinyamakuru Times of India cyamugize umwe mu bagore 50 bifuzwa ku Isi.

Kajol Devgan — Miliyoni 16$

Kajol Devgan ni umwe mu bakinnyi ba sinema b’Abahindekazi bazwi cyane ku Isi. Niwe uza ku mwanya wa 9 ku rutonde rw’abakize kurusha abandi na miliyoni 16$. Ni umwe mu bakinnyi ba cinema b’abagore b’uburanga mu Buhinde ndetse anafatwa nk’Umwamikazi w’ubwiza w’u Buhinde (Beautiful queen of India).

Sonam Kapoor — Miliyoni 15$

Sonam Kapoor ni umukobwa wa Anil Kapoor nawe wamamaye muri Bollywood. Uyu azwiho ubushobozi bwo gukina role yose wamuha muri filimi yawe ndetse azwiho no kurimba. Usibye gukina filimi, aramamaza, amurika imideri kandi hose akitwara neza. Filimi yakinnye yitwa Neerja niyo yakunzwe cyane kugeza ubu ituma yamamara mu Buhinde bwose.