Abakobwa barenga 100 bo muri Nigeria bari barashimuswe na Boko Haram basubiye ku ishuri.
Abo bakobwa biga mu ishuri rya rya Chibok ari naryo zina bamenyekanyeho’ abakobwa b’i Chibok) bashimushwe n’abarwanyi b’uyu mutwe w’iterabwoba mu mwaka wa 2014 .
Aba bakobwa bamaze icyumweru biga muri kaminuza y’Abanyamerika iri mu mujyi wa Yola muri Nigeriya, nyuma y’amezi atari make bari bamaze baruhutse kandi bavurwa na leta ya Nigeria.
Iyo kamuniza ya Yola yari isanzwe yigisha abandi bakobwa 24 batorotse Boko Haram nyuma y’igihe gito bashimuswe . Abakobwa barenga 250 bigaga ku ishuri ryisumbuye mu mujyi wa Chibok mu ntara ya Borno bashimuswe muri Mata 2014.
[xyz-ihs snippet=”google-pub”]
Kuva bashimutwa, amahanga ntiyahwemye kwerekana agahinda biyateye kugeza ubwo hatangijwe igikorwa cyiswe “Bring Back Our Girls” bisobanura “Tugarukanire abakobwa Bacu” washyigikiwe n’abantu batandukanye barimo Abanyamerika nka Michelle Obama, umugore w’uwari uyoboye Amerika muri icyo gihe, perezida Barack Obama yahoze arongoye Amerika.
[xyz-ihs snippet=”google-pub”]
Kugeza ubu abandi bakobwa basaga 100 ntabwo bararekurwa; ni ukuvuga ko hashize imyaka 3.5 bari mu maboko ya Boko Haram.
Kanda hano ubone amakuru yihuse kandi ku gihe kuri Facebook no kuri twitter
Ntakirutimana Deus @Bwiza.com
