Umubare w’abakoresha indege mu ngendo zo mu gihugu mu Rwanda warazamutse cyane ku kigero cya 42.5 ku ijana, aho wavuye ku 15.821 mu 2022, ugera kuri 22.547 mu 2023, nk’uko raporo y’umwaka wa 2024 yashyizwe ahagaragara muri iki cyumweru ibitangaza.
Inzira y’indege yonyine yo mu Rwanda, Kigali-Kamembe, ikoreshwa cyane cyane na kompanyi y’igihugu, RwandAir, ikoresha indege ya Bombardier Q-400 Next Generation. Indege ihaguruka buri munsi mugitondo, ikora urugendo rw’iminota 30 ugereranije no gukora amasaha atanu ku muhanda. Itike igura amadorari 99.
Umubare w’abagenzi kuri iyi nzira uratandukanye uko imyaka yagiye ihita, cyane cyane mu gihe cy’icyorezo cya Covid-19.
Muri 2017, hari abagenzi 19.892, bakurikirwa na 19.281 muri 2018 na 20,959 muri 2019. Icyorezo cyateye igabanuka rikabije, aho umubare w’abagenzi wamanutse ugera kuri 5.922 muri 2020.
Icyakora, nyuma ya Covid-19 impinduka zaje kugaragara, aho abagenzi 11.016 bakoresheje indege muri 2021, 15.821 muri 2022, naho izamuka rya vuba rikagera kuri 22.547 muri 2023.
Kamembe, mu majyepfo y’iburengerazuba bw’u Rwanda, ni irembo ry’ahantu nyaburanga hasurwa mu bukerarugendo, harimo Pariki ya Nyungwe na Parike y’igihugu ya Kahuzi-Biega muri Repubulika ya Demokarasi ya Congo.
Uyu mujyi urimo imyubakire y’igihe cy’abakoloni kandi uha abashyitsi amahirwe yo gutembera Ikiyaga cya Kivu mu bwato n’ibindi bintu nyaburanga biboneka muri kiriya gice.
