Leta y’u Rwanda iratangaza ko igiye gukurikirana by’umwihariko abarwayi ba Covid-19 barwariye mu rugo bagiye gukurikiranwa by’umwihariko mu rwego rwo guca intege abasanganwa iyo ndwara bakanga kwishyira mu kato nk’uko byatangajwe na Leta y’u Rwanda.
Mu kiganiro cyihariye yahaye Ijwi rya Amerika kuri uyu wa Kabiri, Minisitiri w’ubutegetsi bw’igihugu, Jean Marie Vianney Gatabazi, yavuze ko hashize iminsi hagaragara abarwayi bapimwa bagasanganwa Covid-19 ariko bakanga kwishyira mu kato.
Abanduye Covid 19 ubusanzwe bagumishwa mu kato kugeza igihe byemejwe ko bakize rwose adashobora kwanduza abandi.
Bivugwa ko bamwe mu bantu banduye Covid 19 babihisha kubera gutinya ko bategekwa kuguma mu kato nk’uko bamwe mu bakozi b’inzego z’ubuvuzi bashinzwe gukurikirana aba barwayi babasanze mu ngo zabo babitangarije iyi radio, ibintu bavuga ko bishobora gutuma banduza abandi benshi.
Usibye gusaba abanduye kwishyira mu kato mu ngo zabo, ubu banambikwa isaha yerekana ko umuntu yanduye Covid-19. Ariko bamwe mu bayambitswe bavuga ko babangamiwe n’ubu buryo bwo kubagaragaza.
Kugeza ubu ministeri y’ubuzima itangaza ko 95 ku ijana y’abarwayi ba Covid 19, barwarira mu ngo zabo, mu gihe abasigaye bake aribo bajyanwa kwa muganga.
Kurikira ibiganiro n’amavidewo binyura kuri Bwiza TV
