Abantu 13 bashinjwa uruhare mu rupfu rwa AIGP Kaweesi bagejejwe imbere y’urukiko bwa mbere

Byibuze abantu 13 nibo bagejejwe imbere y’urukiko bashinjwa kugira uruhare mu iyicwa rya AIGP Andrew Kaweesi.

Kuri uyu wa Gatanu nibwo umucamanza wo mu rukiko rwa Nakawa, Noah Ssajabi yasomeye abashinjwa biganjemo abasilamu ibirego bakurikiranweho.

Iyi nkuru dukesha Chimpreports iravuga ko itangazamakuru ritari ryemerewe kwinjira mu rukiko rwari rurinzwe bikomeye n’abashinzwe umutekano. Iki kinyamakuru kikaba kivuga ko cyumvise ko abaregwa banashinjwa iterabwoba n’ubujura bukomeye.

Umucamanza Ssajabi akaba yafashe icyemezo cyo kugumisha abaregwa muri Gereza ya Luzira kugeza kuwa 05 Gicurasi ubwo bazagarurwa imbere y’urukiko bakamenyeshwa imiterere y’urubanza rwabo.

[xyz-ihs snippet=”google-pub”]

Tubibutse ko uwahoze ari umuvugizi w’igipolisi cya Uganda, AIGP Andrew Kaweesi yishwe mu kwezi gushize kwa Werurwe, ubwo yaraswaga avuye iwe, ahitwa Kulambiro, mu nkengero za kampala. Imodoka yari arimo yamishijweho amasasu aramuhitana, we n’abo bari kumwe babiri.

Dore abakekwaho kwica AIGP Kaweesi uko ari 13

1. Abdul-Rashid Mbaziira
2. Aramazan Noordin Higenyi,
3. Yusuf Mugerwa,
4. Bruhan Balyejusa,
5. Umar Maganda,
6. Ahmada Shaban Ssenfuka,
7. Hassan Tumusiime,
8. Ibrahim Kissa,
9. OsmanMuhammedOmar,
10. Hamidu Magambo,
11. Abdu-Majid Ojerere,
12. Joshua Kyambadde Magezi
13. Sheikh Musa Abubaker Ntende

 
Kanda hano ujye ubona amakuru yihuse kandi kugihe kuri Facebook no kuri twitter
 

Dennis Ns./Bwiza.com