Igisirikare cya Repubulika Iharanira Demokarasi ya Congo, gitangaza ko cyafashe abapolisi babiri bo mu gihugu cya Sudan y’Epfo . Aba bapolisi ngo bafashwe nyuma y’uko bari baje gushimuta bamwe mu baturage bari bafitanye amakimbirane.
Aba basirikare batawe muri yombi ejo ku wa Gatatu taliki 03 Nyakanga 2024. Bafatirwa mu Ntara ya Bas-Uele. Urwego rushinzwe Iperereza rwavuze ko aba bapolisi bo mu gihugu cya Sudan y’Epfo, ko binjiye muri iki gihugu mu buryo bunyuranyije n’amategeko.
Amakuru avuga ko aba bapolisi bafashwe ubwo ingabo za leta ya Kinshasa zarimo zihiga imitwe y’inyeshamba ikunze guhungabanya umutekano mu bice bya Waliwa na Faradja. Urwego rw’iperereza rwatangaje ko aba bapolisi bafatanwe imbunda zibiri zo mu bwoko bwa AK-47 n’amasasu 57.
Bakimara gutabwa muri yombi bahise bajyanwa gufungirwa i Durba, ahari icyicaro cy’ingabo za karere ka Bas-Uele mu gihe hagikorwa iperereza ryimbitse.
