Abarwayi bari binjiye mu Bitaro bikuru bya Kagadi, mu Karere ka Kagadi, mu burengerazuba bwa Uganda, batangiye kubisohokamo babihunga batinya kwandura COVID-19 nyuma y’aho abakozi 14 bakora muri ibi bitaro basanzwe baranduye iki cyorezo.
Kuri uyu wa Gatandatu, itariki 19 Kamena nibwo Uganda Radio Network (URN) yasuye ibi bitaro isanga ibitanda byinshi byari byarafashwe n’abarwayi biriho ubusa.
Mu ntangiriro z’iki cyumweru dusoza, nibwo abakozi 14 b’Ibitaro bikuru bya Kagadi bapimwe bagasangwamo COVID-19.
Benshi mu barwayi bavuganye na URN batashatse ko amazina yabo atangazwa basobanuye ko abantu benshi bari mu bitaro bafitiye impungenge ubuzima bwabo nyuma yo kumenya ko abakozi bashinzwe ubuzima barenga icumi b’iki kigobaherutse gusangwamo iki cyorezo.
Basobanuye ko bamwe mu barwayi batangiye guhunga ibitaro ku wa gatatu, ubwo bumvaga ko bamwe mu bakozi b’ibitaro banduye Coronavirus.
Benshi mu barwayi ngo bahunze na mbere yo kubona impapuro zibasezerera mu bitaro.
Simon Peter, umuyobozi w’Ibitaro bya Kagadi yemera ko abarwayi bari guhunga ibitaro nyuma y’uko bamwe mu bakozi basanzwe baranduye yongeyeho ko ibice byibasiwe birimo maternite.
Nk’uko Peter abivuga, buri cyumba cyahoze cyakira abarwayi bari hagati ya 20 na 25 ubu gifite abarwayi bari hagati ya 4 na 7 gusa.
Kurikira ibiganiro n’amavidewo binyura kuri Bwiza TV
XMA Header Image
Abasaza babanyapolitike ni babi mubirinde -Asouman avuze amagambo akomeye ku gihano Sankara yasabiwe
youtube.com
