Abimukira 100 bazaturuka mu Bwongereza bashobora koherezwa mu Rwanda mu cyumweru gitaha, hashingiwe ku masezerano guverinoma z’ibigugu byombi ziherutse kugirana muri Mata.
Ikinyamakuru Daily Mail cyo mu Bwongereza, kuri uyu wa 30 Gicurasi 2022 cyatangaje ko cyabonye inyandiko isobanura ko aba bimukira baramenyeshwa gahunda yo kwimurwa muri iki cyumweru.
Naho ngo igikorwa cyo kubohereza mu Rwanda kiri mu nshingano y’Umunyamabanga ushinzwe umutekano w’imbere, Priti Patel, giteganyijwe tariki ya 6 Kamena 2022 mu gihe nta mpinduka zabaho.
Byari biteganyijwe ko abimukira ba mbere bazoherezwa mu Rwanda mu mpera za Gicurasi 2022 ariko guverinoma y’u Bwongereza isobanura ko yakomeje guhura n’inzitizi zatanzwe n’abanyamategeko, bituma habaho ubukererwe.
