Umushoferi wapimwe tariki ya 30 Mata 2020 bikemezwa ko yanduye indwara ya Covid-19 yakomeje gutwara abagenzi atabibamenyesheje, akaba yarafatiwe mu gace ka Beaufort y’Uburengerazuba.
Umuyobozi wa Polisi muri aka gace, Lt, Gen. Yolisa Matakata mu nkuru ya News 24 yavuze ko uyu mushoferi yafashwe kuri uyu wa Kane tariki ya 7 Gicurasi atwaye abandi bagenzi barindwi.
Abagenzi bari muri iyi modoka, umushoferi ndetse n’abandi batatu bayiherekeje imaze gufatwa, bahise bajyanwa mu kato bazamaramo iminsi yagenwe 14.
Icyaha uyu mushoferi akurikiranwaho ni icyo kugerageza kwica nk’uko byemejwe na Gen. Matakata, ashingiye ku biteganwa n’ingingo iri mu gitabo cy’amategeko mpanabyaha.
