Guverinoma ya Afurika y’Epfo yamaganye ibitero ingabo z’u Burusiya zatangije kuri Ukraine mu rukerera rwo kuri uyu wa 24 Gashyantare 2022, isaba ko buzikurayo bwangu.
Itangazo ryasohowe n’ibiro bya Afurika y’Epfo bishinzwe ububanyi n’Amahanga, ryanenze ko u Burusiya bwahisemo inzira y’intambara, aho guha mwanya iya dipolomasi mu gukemura ikibazo bifitanye na Ukraine.
Yagize iti: “Amarembo ya dipolomasi ntabwo akwiye gufungwa no mu gihe amakimbirane yatutumye.”
Ibi biro byagaragaje ko hari icyizere ko inzira ya dipolomasi yakongera gukora, mu gihe u Burusiya bukuye ingabo zabwo muri Ukraine.
