Akanama k’umutekano k’Umuryango w’Abibumbye kemeye kongerera igihe cy’umwaka ubutumwa bw’Ingabo z’Umuryangow’Abibumbye muri Repubulika iharanira Demokarasi ya Congo, MONUSCO, mu mwanzuro watowe kuri uyu wa Gatanu, itariki 18 Ukuboza n’amajwi 14 (ibihugu 14 muri 15 bigize akanama) yabyemeye mu gihe u Burusiya bwifashe.
Ibihugu bigize Akanama k’Umutekano k’Umuryango w’Abibumbye kemeje icyifuzo cyari cyatanzwe n’Umunyamabanga Mukuru , Antonio Guterres, muri raporo ye iheruka kuri Repubulika iharanira Demokarasi ya Congo.
Manda y’ibikorwa byokubungabunga amahoro by’Umuryango w’Abibumbye muri RDC kandi iranareba umutwe udasanzwe ushinzwe gutabara byihuse (brigade d’intervention rapide) nk’uko tubikesha Radio Okapi.
MONUSCO igizwe n’abasirikare bagera ku 14,000, abagenzuzi ba gisirikare na ba ofisiye 660, abapolisi 591, n’abapolisi 1,050 bashinzwe kurinda abakozi n’imitungo ya Loni.
