Ku wa Gatatu tariki ya 11 Mata 2018, indege ya gisirikare yavaga ku kibuga cya Boufarik itwaye abasirikare n’imiryango yabo, yakoze impanuka, 257 bahasiga ubuzima.
Muri iyi mpanuka yahitanye abantu benshi mu mateka y’iki gihugu, biravugwa ko muri 257 bayiguyemo, 247 bari abasirikare n’imiryango yabo, abandi 10 bari abashinzwe ibikorwa byo kuyobora indege.
Minisiteri w’ingabo muri iki gihugu, Gen. Ahmed Gaid Salah aravuga ko icyateye iyi mpanuka kitaramenyekana, yongeraho ko iperereza ryatangiye gukorwa kugira ngo hamenyekane icyayiteye.
Ikinyamakuru The Guardians dukesha iyi nkuru, kivuga ko iyi mpanuka yabereye mu birometero 30 ugana mu murwa mukuru, Algiers, ibaye nyuma y’indi y’indege ya kompani itwara abagenzi ya Malaysia yarasiwe muri Ukraine mu 2014, abantu 298 bakahasiga ubuzima.
Kanda kuri SUBSCRIBE ujye ubona ibiganiro n’indirimbo bishya
Tuyizere Jean de Dieu/bwiza.com
