Umugore w’icyamamare ku mbuga nkoranyambaga cyane cyane kuri Instagram na snapchat, uzwi ku izina rya SuperSexy, yatangaje ko gucugusa ikibuno atari ibintu bya buri wese, kuko bisaba ubuhanga buhanitse ndetse anagira inama abakobwa baba bifuza kuzamwigana.
Uyu mugore w’umunyarwanda uba mu gihugu cya Uganda, ufite umugabo w’umuzungu, ibi yabigarutseho ubwo yaganiraga n’itangazamakuru mu ijoro ryo ku wa 11 Werurwe 2018, ubwo yabazwaga ku buryo afata ibintu yirirwa akora ku mbuga nkoranyambaga.
Ntiyazuyaje gusubizako ko ari akazi nk’akandi, gusa agira n’icyo yisabira abantu bamukurikira(Followers), kwirinda kumwitiranya n’indaya, ko afite umugabo kandi abimwubahira.
Abajijwe icyo atekereza ku kuba hari bamwe mu bakobwa ba mukurikira bashobora gukunda ibyo akora bakamwigana bityo bikaba byabaviramo guta umuco, yasubije ko uwagerageza kubikora yabikora kuko bimurimo ko aramutse abikoze ku bwe (SuperSexy) byamugora.
Yagize ati”…Nutangira uvuga ngo ndashaka kumera nka runaka kubera ko na we byamugejeje aha ntabwo uzabigeraho, niba ushaka kubikora bikore bitewe n’impamvu atari ukwigana, icya mbere bisaba ubwenge, udafite ubwenge ntaho wagera kubera ko ni ibintu bikaze ….”
Uyu SuperSexy cyangwa se Nana ari mu Rwanda, aho yaje mu bikorwa bitandukanye n’ubundi bifite aho bihuriye n’ibyo yirirwa akora kuri Instagram ndetse no guhura n’abafana be basanzwe bamubona acugusa amabuno bakamubona imbona nk’ubone.
Kanda Subscribe kuri Bwiza TV ujye ubona videwo zigezweho z’ubuzima,imikino,imyidagaduro…
Â
