Uyu munsi, umuyobozi w’Ingabo z’Umuryango w’Abibumbye mu Mujyi wa Juba, Brig Gen Abdullah Al Mamun yasuye IIngabo z’u Rwanda (Rwanbatt-3) zikorera mu butumwa bw’Umuryango w’Abibumbye muri Sudani y’Epfo (UNMISS) ku cyicaro gikuru cyazo mu birindiro bya Juba Durupi.
Brig Gen Abdullah Al Mamun yashimye ko Ingabo zishinzwe kubungabunga amahoro z’u Rwanda zihora ziteguye muri Sudani y’Epfo.
U Rwanda rufite bataillon eshatu n’ishami rimwe ry’indege mu butumwa bwa Loni muri Sudani y’Epfo (UNMISS). Kugeza ubu, u Rwanda n’igihugu cya 3 gifite uruhare runini mu gushyigikira ibikorwa by’Umuryango w’Abibumbye byo kubungabunga amahoro i Darfur (UNAMID), Sudani y’Epfo (UNMISS), na Repubulika ya Centrafrica (MINUSCA).
