Mike Karangwa wakoze mu itangazamakuru ryo mu Rwanda cyane mu myidagaduro, yasezeranye imbere y’Imana na Isimbi ‘Mimi’ Roselyne kuri uyu wa Gatandatu tariki ya 23 Gashyantare 2019.
Umuhango wo gusezerana imbere y’Imana wa Mike Karangwa n’umukunzi we wabereye muri muri Eglise Vivante ku Kimihurura, ibirori byo kwakira no kwishimana n’inshuti n’abavandimwe bibera muri Camp Kigali.
Mike Karangwa ari mu banyamakuru bakomeye mu myidagaduro bakoreye mu itangazamakuru byo mu Rwanda birimo Radio Salus mu biganiro nka Salus Relax na ‘Sunday Night’ gica ku Isango Star na TV10 ndetse na Radio 10. Yanabaye umukemurampaka muri Miss Rwanda ndetse mu bihe bye bya mbere mu itangazamakuru yakanyujijeho nk’umuhanzi.
Ari mu bakunzwe cyane kandi bagiye bigwizaho umubare munini w’ababakurikira bitewe n’ubuhanga bwe, ubushishozi, ubusesenguzi ndetse n’ijwi ryihariye.
AMAFOTO
