Amafoto: Misile ya Israel yaguye ku gitanda cy’umuturage, ntiyaturika

Nk’uko Daily Mail yabitangaje kuri uyu wa 20 Gicurasi 2021, iyi misile yarashwe mu gace ka Khan Yunis gaherereye muri Gaza, mu bitero ingabo za Israel zari zikomeje kugaba ku mutwe w’intagondwa wa Hamas.

Amafoto dukesha iki gitangazamakuru agaragaza iyi misile yasenye igitanda bitewe n’uburemere bwayo, ikikijwe n’ibimene bya sima yahomotse ubwo yinjiraga muri iyi nzu.

Abahanga boherejwe na Minisiteri y’Umutekano w’Imbere ya Palestine bageze kuri iki gitanda misile yaguyeho, bayihakura bifashishije uburyo bwabugenewe.

Ingabo za Israel zatangiye kurasa muri Gaza ku wa Mbere w’icyumweru gishize, mu buryo bwo kwihorera kuko na Hamas yari imaze kurasa mu mijyi mikuru y’iki gihugu.

Ibimaze kwangirikira muri iyi mirwano ni byinshi. Abapfiriyemo bo muri Gaza ni 227 barimo abarwanyi ba Hamas 130, abo muri Israel bapfiriyemo ni 12.

Kurikira ibiganiro n’amavidewo binyura kuri Bwiza TV