Iradukunda Elsa wabaye Miss Rwanda mu mwaka w’2017, yagejejwe mu rukiko rw’ibanze rwa Kicukiro, kugira ngo aburane ku ifungwa n’ifungurwa ry’agateganyo.
Uyu mukobwa yagejejwe imbere y’urukiko n’imodoka y’urwego rw’ubugenzacyaha yagenewe abafungwa izwi nka ‘Detainee Van’ yambaye amapingu ndetse umutekano waho wari urinzwe n’abapolisi nk’uko bisanzwe.
Akimara kwicara ku ntebe yo mu rukiko, umupolisi yamukuyemo amapingu, yitegura kuburana.
Miss Iradukunda yatawe muri yombi tariki ya 8 Gicurasi 2022, akuriranyweho icyaha cyo gukora no gukoresha inyandiko mpimbano no kubangamira iperereza.
Ifungwa rye rihuye n’ikurikiranywa rya Ishimwe Dieudonné uzwi nka Prince Kid ukekwaho gukorera ihohotera rishingiye ku gitsina abakobwa bitabiriye Miss Rwanda.
Amafoto: Nkundineza Jean Paul
