Perezida Donald Trump wa Leta Zunze Ubumwe za Amerika, ubu arimo kuburana na Stormy Daniels, uzwi cyane mu bukinnyi bwa filimi z’ubusambanyi (pornographie).
Ababuranira Perezida Trump basaba indishyi ya miliyoni 20 z’amadolari ya Amerika ko uyu mugore atubahirije amasezerano bagiranye mbere y’amatora yo mu 2016 na Trump.
Stormy Daniels uzwi nk’umukinnyi wa porono, avuga ko Donald Trump batangiye gucudika kuva mu 2006. Uburanira Trump witwa Michael Cohen, yavuze ko uyu mugore yarishywe $130000 ngo ntazamene ibanga.
BBC itangaza ko n’uburanira Stormy Daniels, witwa Stephanie Clifford yahakanye iby’aya masezerano yo kuvuga ko umukiriya we yahawe amafaranga ngo akomere ku ibanga.
Mu gihe urubanza rwabuze gica, ubu hifujwe ko ruvanwa ku rwego rw’intara, rukajyanwa ku rwego rw’igihugu.
Stephanie Gregory Clifford uzwi ku izina rya Stormy Daniels, ni umugore w’imyaka 39 w’umunyamerika, azwi cyane mu mwuga wo gukina filimi z’ubusambanyi, akaba afite umwana umwe.
Kanda kuri SUBSCRIBE ujye ubona ibiganiro n’indirimbo bishya
