Abagabo n’abagore mu Ntara y’Amajyaruguru baritana ba mwana abagore bashinja abagabo kuba ba nyirabayazana b’amakimbirane mu miryango akomeje kugaragara muri iyi ntara mu gihe abagabo bo babashinja kumva nabi ihame ry’uburinganire.
Abagore barashinja abagabo kuba intandaro y’amakimbirane mu miryango, abagabo nabo bakavuga ko abagore bumvise ihame ry’uburinganire nabi bikaba bituma barengera bakanashaka gutegeka abagabo no kwiharira imitungo nk’uko iyi nkuru dukesha RadioTV10 ivuga.
Ubuyobozi bw’intara y’Amajyaruguru bwo bugaragaza ko iki kibazo cy’amakimbirane cyugarije iyi ntara. Guverineri w’iyi ntara, Gatabazi JMV asaba abagabo kubanira neza abagore babo, mu rwego rwo gushaka amahoro mu miryango yabo.
Hirya no hino mu Rwanda hakunze kumvikana ibibazo bishingiye ku makimbirane yo mungo rimwe na rimwe akagira ingaruka mbi zirimo kwicana hagati y’abashakanye, abana bakava mu mashuri n’ibindi bitandukanye.
