Minisitiri w’Intebe, Dr Ngirente Edouard, yatangaje ko umuyobozi w’akarere ka Musanze, uwa Gakenke n’uwa Burera, Umunyamabanga Nshingwabikorwa w’intara y’Amajyaruguru hamwe n’abandi batandukanye bakuwe ku nshingano.
Nk’uko itangazo rimaze gusohorwa n’ibiro bya Minisitiri w’Intebe ribisobanura, aba bayobozi bazize kutuzuza inshingano zabo, zirimo no kunanirwa gusigasira ubumwe bw’Abanyarwanda.
Mushaija Geoffrey wari Umunyamabanga Nshingwabikorwa w’iyi ntara yasimbujwe Nzabonimpa Emmanuel mu buryo bw’agateganyo.
Ramuli Janvier wayoboraga Musanze yasimbujwe by’agateganyo Bizimana Hamiss, Kamanzi Axelle wari umuyobozi wungirije ushinzwe imibereho y’abaturage akurwaho ariko ntiyahita asimbuzwa. Twagirimana Innocent wari Umunyamabanga Nshingwabikorwa w’umurenge wa Kinigi na we yakuweho, cyo kimwe na Musabyimana Franà§ois wari ushinzwe ubutegetsi n’abakozi.
Muri Gakenke, Nizeyimana Jean Marie Vianney wari umuyobozi w’aka karere yasimbuwe na Niyonsenga Aimé Franà§ois nk’umuyobozi wako w’agateganyo, Nsanzabandi Rushemeza Charles wari ushinzwe imirimo rusange akurwaho, Karisa Ngirumpatse wari ushinzwe ubutegetsi n’abakozi akurwaho, Museveni Songa Rusakuza wari ushinzwe gutanga amasoko na we akurwaho.
Uwanyirigira Marie Chantal wari umuyobozi w’akarere ka Burera na we yakuweho, asimbuzwa Nshimiyimana Jean Baptiste nk’umuyobozi w’agateganyo.
Muri aba bayobozi begujwe, harimo abazize ibirori byo kwimika umutware w’abakono byabereye mu murenge wa Kinigi muri Musanze mu kwezi gushize. Urugero ni nka Twagirimana Innocent.
4 Responses
Amajyaruguru: Abayobozi barimo ab’uturere 3 n’uwo ku rwego rw’intara begujwe
Nibyo aba bayobozi b’uturere bakwiriye kugenda rwose. Ntabwo byumvikana ukuntu inama ishobora kubera mu turere bayobora, abantu batari bamwe bakava muri utwo turere bakajya kwimika Umwami w’Abakono maze bakarebera. Nubwo ntaraperereza ngo menye ubwoko bwabo ariko ndahamya ko nabo ari Abakono. Ariko hakwiriye kurebwa n’abajyanama babo: Abo ni Monseigneur Rucyahana, Monseigneur Colline na Dr. Byiringiro abo uko ari batatu ni Abakono kandi barabwimitse mu matorero babarizwamo. Urugero rwiza ni Dr. Byiringiro Hesron Rukundo, uyu mugabo muri Diocese zose afite uko ari 8 ziyoborwa n’abakono bene wabo… abacunga umutungo bose ndetse n’abanyamabanga bose ni abakono. Diocese ya Kigali (East-Central Rwanda Conference) iyobowe n’umukono witwa Pr.Karasira n’aho iya Nyagatare nayo iyobowe na Pr.Ngamije nawe w’Umukono. Nyakubahwa President w’u Rwanda turagusaba kurandura rwose akazu k’Abakono, turagutakambiye.
Amajyaruguru: Abayobozi barimo ab’uturere 3 n’uwo ku rwego rw’intara begujwe
HE President wacu nakomereze aho mu rugamba rwo kudukiza abantu bose bagerageza kubangamira ubumwe bw’abanyarwanda. Natwe tumuri inyuma muri uru rugamba rutoroshye. Aba bayobozi bakuweho mu turere dutatu nibabere urugero n’abandi bameze nka bo aho bari mu gihugu hose, haba mu nzego z’ibanze, ndetse no mu bindi bigo by’ubuyobozi, tutibagiwe no muri za kaminuza zirimo ndetse na kaminuza y’u Rwanda. Aho hose ubusesenguzi nibuhakorwe, abayobozi bakoresha uturere n’amoko mu kuzamura abakozi, mu gutanga amasoko, mu gutanga akazi n’ibindi, bose bavanweho boherezwe ahabakwiye. Ubumwe bw’abanyarwanda oyeeee!!!
Amajyaruguru: Abayobozi barimo ab’uturere 3 n’uwo ku rwego rw’intara begujwe
HE President wacu nakomereze aho mu rugamba rwo kudukiza abantu bose bagerageza kubangamira ubumwe bw’abanyarwanda. Natwe tumuri inyuma muri uru rugamba rutoroshye. Aba bayobozi bakuweho mu turere dutatu nibabere urugero n’abandi bameze nka bo aho bari mu gihugu hose, haba mu nzego z’ibanze, ndetse no mu bindi bigo by’ubuyobozi, tutibagiwe no muri za kaminuza zirimo ndetse na kaminuza y’u Rwanda. Aho hose ubusesenguzi nibuhakorwe, abayobozi bakoresha uturere n’amoko mu kuzamura abakozi, mu gutanga amasoko, mu gutanga akazi n’ibindi, bose bavanweho boherezwe ahabakwiye. Ubumwe bw’abanyarwanda oyeeee!!!
Amajyaruguru: Abayobozi barimo ab’uturere 3 n’uwo ku rwego rw’intara begujwe
Ntabwo begujwe birukanwe,kubera amakosa bakoze,ujye ubanza usone itangazo, munyamakuru we.