Ikipe y’Igihugu ‘Amavubi’, yasubiye inyuma ho umwanya umwe ku rutonde rw’Impuzamashyirahamwe y’Umupira w’amaguru ku Isi (FIFA) rwerekana uko amakipe y’ibihugu bigize Isi ahagaze.
Urutonde ngarukakwezi FIFA yasohoye ni urw’uku kwezi k’Ukwakira 2022.
Amavubi y’u Rwanda kuri ubu ari ku mwanya wa 137 ku Isi n’uwa 40 muri Afurika; akaba yasubiye inyuma ho umwanya umwe ugereranyije n’urutonde rwo mu kwezi gushize.
Iyi kipe kuri ubu ifite amanota 1,093; ikaba yatakaje 1.39 ugereranyije n’uko yari ihagaze ku rutonde rw’ukwezi gishize kwa Nzeri. Ni ukwezi Amavubi y’u Rwanda yakinnyemo umukino umwe mpuzamahanga wa gicuti yaguyemo miswi 0-0 na GuinĂ©e-Equatoriale.
Ikipe y’Igihugu ya BrĂ©sil, La Seleção kuri ubu ni yo ikiri ku mwanya wa mbere ku Isi, ikaba ikurikiwe n’iy’u Bubiligi, Argentine, u Bufaransa, u Bwongereza, u Butaliyani, Espagne, u Buholandi, Portugal na Denmark iri ku mwanya wa 10.
Ku mugabane wa Afurika SĂ©nĂ©gal ya 18 ku Isi ni yo iza ku mwanya wa mbere, igakurikirwa na Maroc ya 22, Tunisie ya 30, Nigerie ya 32, AlgĂ©rie ya 37, Misiri ya 39, CamĂ©roun ya 43, Mali ya 46, CĂ´te d’Ivoire ya 48 na Burkina Faso ya 54.
Mu karere ka CECAFA Imisambi ya Uganda ni yo iza imbere kuko iri ku mwanya wa 89 ku Isi, igakurikirwa na Kenya ya 101, Sudani ya 128 na Tanzanie ya 130.
